Այն, ինչ կառուցում ենք առաջիկա 16 տարիների համար

ONLYOFFICE-ը նշում է իր 16-ամյակը, և վերջին մի քանի շաբաթների ընթացքում մենք մեր պատմությունների շարքում հետադարձ հայացք ենք դարձրել անցած ճանապարհին, հիշելով SaaS-ի զարգացման առաջին տարիները, անդրադառնալով այն կարևոր պահերին, որոնք ձևավորել են մեր արտադրանքները, և պատմելով այն մարդկանց մասին, ովքեր կանգնած են ծածկագրի հետևում։

Սակայն տարեդարձը նաև լավ առիթ է մեկ այլ հարց տալու համար՝ ի՞նչ է լինելու հաջորդիվ։

Եթե անցած տասնվեց տարիները մեզ ինչ-որ բան են սովորեցրել, ապա այն, որ տեխնոլոգիաների ապագան կանխատեսելը գրեթե անհնար է։ Քչերը կարող էին պատկերացնել, որ ամպային համագործակցությունը կդառնա աշխատանքի ընդունված ձև, կամ որ ԱԲ-ն կհայտնվի գրեթե բոլոր արտադրողականության գործիքներում։ Մենք չգիտենք, թե ինչ տեսք կունենա գրասենյակային ծրագրակազմը 2042 թվականին։ Բայց գիտենք, թե ինչ ուղղությամբ ենք զարգացնում մեր արտադրանքը։

ԱԲ, որն աշխատում է ձեր ձևով

ԱԲ-ն արագորեն դառնում է առօրյա աշխատանքի մի մասը։ Այսօր մարդիկ այլևս չեն ցանկանում պարզապես տեքստ ստեղծող օգնական։ Նրանք ակնկալում են, որ ԱԲ-ը կօգնի իրական աշխատանքային խնդիրների կատարմանը։

Այսօր օգտատերերը կարող են անմիջապես խմբագրերում ստեղծել և ամփոփել տեքստ, թարգմանել բովանդակություն, բացատրել բանաձևերը, ստեղծել ծածկագիր և կարգավորել հատուկ ԱԲ օգնականներ, պարբերաբար կատարվող առաջադրանքների համար։

ONLYOFFICE-ում ԱԲ-ն արդեն աջակցում է ԱԲ մատակարարների ընդլայնվող էկոհամակարգին, այդ թվում՝ OpenAI, Mistral, Anthropic, Google Gemini, xAI, Ollama, DeepSeek, Together AI, Groq և բազմաթիվ այլ մատակարարների։ Օգտատերերը կարող են նաև միացնել իրենց լոկալ մոդելները և ամբողջությամբ պահպանել տվյալները սեփական ենթակառուցվածքում։

Մեզ ավելի է ոգևորում այն, թե ուր են զարգանալու այս հնարավորությունները։ Մենք ցանկանում ենք, որ ԱԲ-ն անմիջապես աշխատի ձեր փաստաթղթերի, աղյուսակների, ներկայացումների և ձևերի բովանդակության հետ, հասկանա ձեր աշխատանքի համատեքստը, օգնի կառուցակարգել տեղեկատվությունը և ավտոմատացնի կրկնվող առաջադրանքները։ Ժամանակի ընթացքում մենք ԱԲ-ը պատկերացնում ենք որպես խմբագրման գործընթացի ավելի բնական մաս, առօրյա աշխատանքային գործընթացներում սահուն ինտեգրված, այլ ոչ թե առանձին օգնական։

Առաջիկա տարիներին մենք տեսնում ենք, որ ԱԲ-ը կդառնա թիմային աշխատանքի իրական օգնական, օգնելով կազմակերպել համատեղ աշխատանքային տարածքները, գտնել տեղեկատվություն տարբեր ֆայլերում, կառավարել գիտելիքը և հեշտացնել աճող փաստաթղթերի հավաքածուներում կողմնորոշվելը ONLYOFFICE DocSpace-ում։

Մենք ստեղծում ենք խելացի աշխատանքային տարածք, որտեղ փաստաթղթերը, տվյալները և համագործակցությունն ավելի հեշտ է կառավարել, իսկ մարդիկ շարունակում են վերահսկել, թե ինչպես է աշխատում ԱԲ-ը և որ մոդելներն են օգտագործվում։

Անվտանգությունն ու վերահսկողությունը նախագծման հիմքում

Անվտանգությունը միշտ եղել է ONLYOFFICE-ի հիմնարար սկզբունքներից մեկը։ Տարիների ընթացքում մենք ներդրել ենք սեփական ենթակառուցվածքում տեղակայման հնարավորություն, ծայրից ծայր կոդավորում, JWT-ի աջակցություն, հասանելիության մանրամասն կարգավորումներ և բաց ծածկագրով թափանցիկություն, որը կազմակերպություններին թույլ է տալիս հստակ հասկանալ, թե ինչ լուծումներ են օգտագործում։

Եվ մենք շարունակելու ենք զարգանալ նույն ուղղությամբ։ Քանի որ համագործակցությունն ավելի ապակենտրոնացված է դառնում, իսկ կազմակերպություններն ավելի մեծ ուշադրություն են դարձնում տվյալների ինքնիշխանությանը, մենք կարծում ենք, որ մարդիկ պետք է ավելի մեծ վերահսկողություն ունենան իրենց տեղեկատվության պահպանման և մշակման եղանակի ու վայրի նկատմամբ։ Այդ պատճառով առաջիկա տարիներին անվտանգությունը կմնա ONLYOFFICE-ի զարգացման առանցքային սկզբունքներից մեկը։

Ավելի ընդարձակ ինտեգրման էկոհամակարգի ստեղծում

Փաստաթղթերը առանձին չեն գործում։ Դրանք տեղափոխվում են CRM համակարգերի, ուսուցման կառավարման հարթակների, հաճախորդների պորտալների և բազմաթիվ այլ բիզնես հավելվածների միջև։

Այդ պատճառով մենք շարունակում ենք ներդրումներ կատարել ինտեգրման և ծրագրավորողների համար նախատեսված գործիքների զարգացման մեջ։ Մենք ցանկանում ենք, որ ONLYOFFICE-ը բնականորեն ինտեգրվի այն ծրագրային ապահովմանը, որը մարդիկ արդեն ամեն օր օգտագործում են, միաժամանակ ծրագրավորողներին հնարավորություն տալով ստեղծել փաստաթղթերի և համագործակցության շուրջ ամբողջովին նոր լուծումներ։

Այսօր ONLYOFFICE-ն առաջարկում է ավելի քան 40 պատրաստի կոնեկտոր և ավելի քան 30 պլագին, իսկ էկոհամակարգը շարունակում է ընդլայնվել։

Հաջորդիվ՝

• Miro
• Slack
• Bitbucket Cloud
• Discourse
• Directus
• n8n

Միևնույն ժամանակ, մեր API-ներն ու SDK-ները հնարավորություն են տալիս երրորդ կողմի արտադրանքներում և ծառայություններում ներդնել ոչ միայն խմբագրերը, այլև DocSpace-ի սենյակներն ու ամբողջական համատեղ աշխատանքի միջավայրերը։

Հաջորդ տասնվեց տարիները սկսվում են 10.0 տարբերակից

Այս աշնանը ONLYOFFICE Docs 10.0-ը կմիավորի այս հոդվածում ներկայացված բազմաթիվ գաղափարներ։ Ծանոթացեք ONLYOFFICE-ի զարգացման ճանապարհային քարտեզին  GitHub-ում։

Սա առաջին հայացքն է այն ամենին, ինչ մենք կառուցում ենք առաջիկա տասնվեց տարիների համար՝ ավելի խելացի, ավելի ճկուն և մարդկանց իրական աշխատանքային գործընթացներին ավելի լավ հարմարվող ու փոխկապակցված ծրագրային ապահովում։

Օգնեք ձևավորել ապագան

ONLYOFFICE-ի բազմաթիվ հնարավորություններ սկսվել են մեր համայնքի գաղափարներից։ Ունե՞ք առաջարկ։ Կիսվեք այն մեր համայնքում, քվեարկեք այլ օգտատերերի գաղափարների օգտին և օգնեք մեզ ձևավորել առաջիկա տասնվեց տարիների զարգացման ճանապարհային քարտեզը։

ԱՌԱՋԱՐԿԵԼ ՖՈՒՆԿՑԻԱ